కాలమే చెప్పాలి

తొలకరి లో కురిసే చినుకు సువాసన కన్నా
తొలిగా పూసే మావి చిగురు లోని వగరు కన్నా
ఎంతో మిన్నా నీ స్నేహం లోని మాధుర్యం
తొలి బిడ్డ కన్నా తొలి విజయం కన్నా
ఎంతో మక్కువ నీతో
పంచుకునే ప్రతి అనుభూతి లోని ఆనందం,
నీ స్నేహం కలిసిన నాడు అనుకోలేదు
ఇంత అభిమానాల వెల్లువని
కాని నిలుచునా అది కలకాలం
అని మదిలో ఎక్కడో తెలియని భావోద్వేగాల భయం
ఐనా ఇంకా వీడలేని బంధం గా
ఎందుకు పెనవేసుకు పోతున్నాం
ఇప్పుడు చేసుకున్న బాసలు
అప్పటికి మిగిలేనా
లేక కల లా కరిగి చివరికి మిగిలేనా
ఒక చెదరని తీపి గురుతు గా
మదిలోని మరపులేని బాధగా
ఏమో ఏమగునో కాలమే చెప్పాలి
కదా మిత్రమా !!!!!!