తడి కనులకి వెచ్చని ఆశ

కన్నీటి తడి కనులకి తెలిసినా ,
చెప్పలేని మనసు ని ఊరడించలేదు,
హద్దులను దాటి రాలేని మనసు
తడికన్నులని చూసి ఏడవలేక
నవ్వే నా సమాధానం అని తెలిపితే
మూగగా చూసే నీ చూపే
నా తడి కనులకి వెచ్చని ఆశ
అని చిరునవ్వుతో చూసే కన్నీటిని
ఏమని అడగగలదు మూగ మనసు

అందమైన చేదు లాంటి జీవితము

కలలు లేవు కన్నుల్లొ కలతలు తప్ప
మరులు లేవు మనసు పొరల్లొ
మాయని గాయాలు తప్ప
తీపి గురుతులు లేవు మనువులొ
చేదు అనుభూతులు తప్ప
పరిధులు లేవు నా బ్రతుకుకి
వేయాలనిపించదు అడ్డుకట్ట
సాగిపొయే జీవితానికి ఆపాలనిపించదు
అనుభూతుల ఆనకట్ట
తెరచాటు చేయలేను ఆలొచనల ఆవేసానికి
చేయాలని చూసేకొలది పొంగే నదికన్నా
దూకే కెరటములా ఎగిసిపదుతుంటె
ఎలా ఆపగలను
ఆపినకొద్దీ కట్టుతెంచుకున్న
నదిలా నను ముంచేస్తుంటే
మునిగే శక్తి లేని ఆశక్తురాలనయ్యాను

దేవా నీ తీర్పేంటి

కనలేదు ఏ తియ్యని కమ్మని కలలు

కోరుకోలేదు అతిగా ఏ కోరికలు

చిరు ప్రేమ తో నన్ను నన్ను గా ప్రేమించే చిన్ని మనసున్న

మనిషి ఆయితే చాలు అనుకున్నా

ఓ భగవంతుడా అది కూడా అందుకోడానికి తగనా

సరే లే నా అదృస్ఠము ఇంతే అని సరి పెట్టుకుంటున్నా

కూడా ఇంకా నన్ను ఎందుకిలా ఏడిపించాలని

నీకు ఇంత ఆనందము ఆది నా పూర్వాజన్మ లో

చేసుకున్నపాపము అని సరిపెట్టుకోవాలి

అంతే నా ఇదే నా నీ తీర్పు దేవా

దీనికి ముగింపు నా అంతమేనేమో

ఇదేనా నువ్వు చేసే తీర్పు ?